બટાટા શાકભાજીનો રાજા

બટાટાને શાકભાજીનો રાજા કહેવામાં આવે છે. બટાટા વગર શાક અધૂરું રહે છે. ઘણીવાર બટાટા કેન્સર જેવી બીમારી આપી શકે છે. ફ્રીજમાં બટાટા રાખવાથી તબિયત પર નકારાત્મક અસર પડે છે. ચાલો, આની પાછળ શું કારણ રહેલું છે, તે જાણીએ.

અનેક રિસર્ચમાં જાણવા મળ્યું છે કે બટાટામાં સ્ટાર્ચ હોય છે. જેને કારણે ફ્રીજમાં બટાટા રાખવાથી સ્ટાર્ચ શુગરમાં કન્વર્ટ થાય છે, જ્યારે બટાટા ઠંડા તાપમાનમાં હોય ત્યારે સ્ટાર્ચ શુગરમાં બદલાય છે. આ શુગર કેમિકલમાં રૂપાંતરિત થઈને કેન્સર જેવી બીમારીને આમંત્રણ આપે છે.

ખરી રીતે, ફ્રીજમાં બટાટા રાખવાથી શુગરની માત્ર, બટાટામાં રહેલાં એમિનો એસિડ એસ્પરૈગિન સાથે મળીને એક્રાઈલામાઈડ કેમિકલ બને છે, જે તબિયત માટે ઘાતક સાબિત થાય છે. આ જ કેમિકલનો ઉપયોગ પ્લાસ્ટિક તથા પેપર બનાવવા માટે કરવામાં આવે છે. આથી જ ફ્રીજમાં રાખેલા બટાટાનો ઉપયોગ કરવાથી શુગર એક્રાઈલામાઈડ કેમિકલમાં બદલાય જાય છે અને કેન્સર જેવી બીમારી આપે છે.

એક્રાઈલામાઈડ એક પ્રકારનું કેમિકલ છે, જે એવા પદાર્થોમાં હોય છે, જેમાં સ્ટાર્ચ હોય છે. આ ખાદ્ય પદાર્થમાં હોય છે, જેમાં તાપમાન વધારે હોય છે. ખાસ કરીને બ્રેડ, ફ્રેન્ટ, ફ્રાઈ તથા ઓવનમાં બનાવેલી વસ્તુઓનો સમાવેશ થાય છે. 2002માં સ્વીડનના વૈજ્ઞાનિકે આ વાતનો ખુલાસો કર્યો હતો.